 |
| حزمة اجراءات جديده من الرئيس السيسى لمواجهة كورونا.ورصد لاهم ما كتب اليوم |
حزمة اجراءات جديده من الرئيس السيسى لمواجهة كورونا.ورصد لاهم ما كتب اليوم
الرئيس السيسي يعلن الإجراءات الاقتصادية التي اتخذتها الدولة في مواجهة أزمة "كورونا":
1) توجيه وزارة المالية بتخصيص 100 مليار جنيه لمواجهة فيروس كورونا
2) خفض سعر الغاز الطبيعي للصناعة بقيمة 4.5 دولار
3) خفض أسعار الكهرباء للصناعة بقيمة 10 قروش.
4) إطلاق مبادرة "العملاء المتعثرين" المتضررين من القطاع السياحي.
5) توفير مليار جنيه للمصدرين خلال شهري مارس وأبريل 2020 لسداد جزء من مستحقاتهم.
6) رفع الحجوزات الإدارية على كافة الممولين الذين لديهم ضرائب واجبة السداد مقابل 10% فقط من الضريبة المستحقة عليهم.
7) تخفيض أسعار العائد لدى البنك المركزي 3% مع إتاحة الحدود الائتمانية لتمويل رأس المال وبالأخص صرف رواتب العاملين بالشركات.
8) تأجيل الاستحقاقات الائتمانية للشركات الصغيرة والمتوسطة ومتناهية الصغر لمدة 6 أشهر.
9) عدم تطبيق غرامات أو عوائد إضافية على التأخر في السداد.
10) دراسة القطاعات الأكثر تأثرًا بانتشار فيروس كورونا لتقديم الدعم اللازم لها وإعفاء الأجانب من الأرباح الرأسمالية نهائيًا.
11) تم تخصيص مبلغ 50 مليار جنيه للتمويل العقاري لمتوسطي الدخل من خلال البنوك.
12) شمول مبادرة التمويل السياحي لتتضمن استمرار تشغيل الفنادق وتمويل مصاريفها الجارية بمبلغ يصل إلى 50 مليار جنيه مع تخفيض تكلفة الإقراض لتلك المبادرة إلى 8%.
13) تخصيص 20 مليار جنيه من البنك المركزي لدعم البورصة المصرية.
14) وقف قانون ضريبة الأطيان الزراعية لمدة عامين.
15) ضم العلاوات الخمسة المستحقة لأصحاب المعاشات بنسبة 80% من الأجر الأساسي والعلاوة الدورية السنوية للمعاشات تكون بنسبة 14% اعتبارا من العام المالي القادم.
+++++++++++++++++++++++++++++++++
واليكم رصد لاهم ما قيل على وسائل التواصل الاجتماعى
((وبالعاميه الفصحى ننقل لكم حرفيا))
- لما وحده من الحرب الكيماويه للجيش المصري تنزل تطهر الشوارع الرئيسيه
- لما الجيش و وزارة الصحه و مجلس الوزرا يعملو سيناريو لتوقع الأسوأ و يتصرفو على هذا الأساس فيكونو جاهزين بمستشفيات كامله للحجر الصحي في كافه انحاء الجمهوريه ( قد تكون منها مستشفيات عسكريه كمان ) .
- لما رئيس الدوله مايترددش في إنه يتخذ قرار بغلق المطارات و المدارس و المصالح و المحلات والمساجد و الكنائس مهما كانت التكلفه الإقتصاديه و النفسيه , لأن حياة الناس و عمرهم أهم .
- لما الدوله تبعت طياره خاصه ل 300 مصري تجيبهم من وهان الصينيه و تتحمل تكلفة نقلهم واقامتهم و رعايتهم الصحيه و حجزهم , و يوصلو يلاقو وزيرة الصحه مستنياهم .
- لما وزير الطيران يقود طياره بنفسه لإعادة 40 مصري عالقين في احد مطارات بريطانيا .
- لما الوزرا المعنيين ينزلو تحت المطر وقت الإعصار عشان يتابعو عمليات الإنقاذ و الدفاع المدني و تصريف المايه و فتح الطرق و التعامل مع كل حالات الطوارئ .
يبقى نحمد ربنا ألف مره , إن حكاية الإعصار و الفيروس حصلت في عهد رئيس اسمه عبد الفتاح السيسي , في دوله المسئولين فيها ممنوع يقعدو على مكاتب وقت الأزمات , نحمد ربنا إن الحاجات دي ماحصلتش أيام ماكان شعار المسئول ( شلوت سيادتك دفعه للأمام ) , و إلا كان زمانا دلوأتي بنجيب طين و نحط على دماغنا أو بنجيب صباره و ندفن نفسنا بالحيا , احنا في وقت من الأوقات ماعرفناش ننقذ 1100 راكب مصري في عباره قعدت تغرق 6 ساعات , في بحر على بعد ساعه ونص من القاهره , وعلى بعد 10 كيلو من الشاطئ !!.
Mohamed Hussein
سامي عبد الحميد القبلي
شيرين جسين
**************************
ودكتور هانى الناظر على قناه المحور النهاردة
اتكلم عن كورونا...كنا فاهمين حاجات كتير غلط عن الوقايه
أهمها أنه تطهير المكان والاسطح.
يقصد بيها الاماكن العامه والمزدحمه
اماكن الشغل المستشفيات وهكذا
بيقولك انتى فى البيت مع ولادك ومحدش دخل عندك
يبقى ايه لازمته الكلور إلى ماشين بيه فى الشقه فرحانين بيه
ثانيا اياكى اياكى وانك تتطهرى ايدك بكلور
أضراره كتيره
نستخدم المايه والصابون طالما موجودين بالبيت
لو خرجنا لأى مكان مزدحم تلبسى كمامه
ونطهر أيدينا دائما بالكحول
ولو مش متواجد علشان فعلا خلص
نستخدم اى كولونيا أو برفان فيها نسبه كحول ايثيلى 70%
بالنسبه الاطعمه
ممنوع شراء اى طعام من الشارع
هنقول طب والعيش والفينو؟
قال نسخنه ع النار
نيجى بقى للاطعمه الصحيه لرفع المناعه
معلقه عسل نحل ع الريق
طبق سلطه يوميا عليه ليمون
برتقال ويوسفى
قبل الغداء معلقه زيت زيتون
بالليل معلقه بذر الكتان على علبه زبادى
كده انتى أن شاء الله تمام
تقدرى تقاومى بمناعتك اى امراض
ولو بتشتغل
اول ما تدخل من باب البيت تغسل ايدك بالصابون قبل ما تلمس اى شىء
قال كمان
طالما انت ماشى فى الشارع مش لازم كمامه لأن الفيروس مش بيعيش فى الهواء
الكمامه فقط فى الأماكن المزدحمه
وبلاش سلامات وبوس
نقلها لكم اى وان مصر
مرحبا بك اترك تعليقك فهذا يهمنا ويسعدنا واذا اعجبك موضوعاتنا ادعمنا بالمشاركة على وسائل التواصل الاجتماعى