 |
| اجراءات وقائيه سهله وبسيطه للوقايه من كورونا |
اجراءات وقائيه سهله وبسيطه للوقايه من كورونا
الحاله فى بلادنا مصر مستقرة وآمنه باذن الله ولكن من اجل الطمأنه وعدم الزعر من الفيروس اكثر من اللازم اردنا ان ننقل لحضراتكم هذا الموضوع حول فيروس كورونا والفرق بينه وبين الانفلونزا العاديه وكيفية تقوية الجهاز المناعى بالاطعمة المختلفه.
ازاى افرق بين دور البرد وكورونا؟
1. فيروس الكورونا بالذات و على عكس باقي الفيروسات التنفسية بيجي بصورة اخف جدا في الاطفال مقارنة بكبار السن
2. حالات الاصابة في الاطفال اللي اقل من ٥ سنوات نادرة جدا و ده معناه ان الاطفال في المرحلة العمرية دي محميين بصورة طبيعية (السبب غير واضح حتى الان) و مش بيلقطو العدوى بسهولة زي الكبار
3. معدل الوفيات في الاطفال اقل من ١٠ سنوات بسبب الكورونا = صفر
صفر فعلا ، لم يسجل اي حالات وفيات بين الاطفال في العالم بسبب الكورونا (عكس الانفلونزا العادية و غيرها من الفيروسات الاخرى المسببة لعدوى الجهاز التنفسي)، مش بس كده .. شوف رقم ٤
4. الفيروس لما اصاب طفل حديث الولادة (عنده ١٣ يوم بس) ماحتجش اي علاج نهائي و لم تظهر عليه اي اعراض تقلق ،، و خف منه من غير اي تدخل طبي
يبقى مبدأيا نطمن كده على ولادنا لأن ان شاء الله معدل الخطورة عليهم منخفض جدا حتى مقارنة بالانفلونزا العادية
ويبقى السؤال هو كورونا ولا مش كورونا ؟
1. اهم عرض لازم يصاحب مريض الكورونا اللي هتظهر عليه اعراض المرض (مش الحاملين اللي مش هتظهر عليهم اعراض اصلا) هو ارتفاع درجة الحرارة ، (٩٨.٩٪ من مصابي الصين - ١٠٠٪ من بمصابي باقي دول العالم)
مفيش كورونا من غير سخونية طفلك اللي مخنفر و بيكح طول ما هو مش بيسخن يبقى ان شاء الله منقلقش
2. اهم تاني عرض هو الكحة الجافة (Dry cough) اللي موجودة في ٧٥٪ من المصابين .
التاريخ المرضى لمعظم المصابين بيكون عبارة عن ارتفاع في درجة الحرارة لمده كام يوم يليه كحة جافة كحة ببلغم حاجة نادرة نسبيا مع مريض الكورونا و عمرها ما تكون هي اول الاعراض
3. عكس دور البرد و الانفلونزا لسبب مش معروف تأثير الفيروس اقوى ما يكون بيكون على اغشية الرئة فقط و اكثر بكتير من تأثيره على باقي اغشية الجهاز التنفسي
فاعراض الرشح و الخنفرة و المناخير السايبة بتطمنا اكتر و تقول ان الطفل غالبا عنده برد عادي جدا في واحدة من الدراسات بتقول ان الرشح كان موجود في ٤٪ فقط من المصابين !
ابنك اللي بيخنفر و يبربر ان شاء الله عنده برد عادي جدا زي اللي بيجيله كل سنة اطمني مش كورونا
4. إلى الان الغالبية العظمى من المصابين بيه لازم يتوفر فيهم شرطين :-
أ.كان ليهم تاريخ مرضي بالسفر للدول الموبؤة أو
ب.الاختلاط مع اشخاص مصابين ،، عدد الحالات اللي اكتشفوها بدون ما يتوفر فيهم الشرطين دول نادرين جدا و يعدو على اصابع اليد الواحدة
فلو حضرتك مش بتاخد كل فترة جولة سياحية (tour) بتلف فيها على الصين تطلعي منها على كوريا و تقضيلك بعديها يومين استجمام في ايطاليا او فرنسا ، يبقى نسبة ان الاعراض اللي بيعاني منه ابنك دي تبقى كورونا تقترب من الصفر ، الكلام ده الى الآن ، و ان شاء الله تفضل كده
كده اطمنا شويه طيب نقلق امتى؟
* اعراض الخطر :-
1. كحة جافة مستمرة اكتر من ٥ ايام و معندناش حاجة تفسرها يصاحبها ارتفاع في درجة الحرارة
2. صعوبة في التنفس و نهجان
3. تغير في لون الشفايف الطبيعي الى اللون الازرق
4. همدان شديد و عدم القدرة على بذل اي مجهود مع تكسير في الجسم
5. فقدان شديد للشهية مع صعوبة في البلع
6. اضطراب في درجة الوعي
**الخلاصة الموضوع بالنسبة للاطفال مش مقلق خالص انتي تقلقي على ابنك من الانفلونزا العادية اكتر بكتير من الكورونا خنفرة و رشح زي الموجودة عند كل الاطفال طول السنة و لا نحطها في بالنا
نغسل ايدينا كويس بالصابون باستمراو و نداري بقنا و مناخيرنا و احنا بنكح و نعطس (المفروض ان كلنا بنعمل كده) و نبعد عن التجمعات في الاماكن المغلقة.
ازاى احمى بيتى واولادى من كورونا؟
العدوى بفيروس كورونا تتم عن طريق النفس بمعنى : إنك لو قاعد قريب من مريض بالكورونا وكح أو عطس أو رشح فى وشك ممكن تتعدي فورا لاقدر الله .
طب إزاي أحمي نفسي من العدوى ؟
طرق الوقايه سهله وتتمثل فى الاتى
1- إبتعد بقدر المستطاع عن مريض الجهاز التنفسي ( المريض اللي بيكح أو بيعطس أو بيرشح ) وإذا كنت مضطر للتواجد معه فعليك أن تلبس الماسك بإستمرار.
(والطريقة الصحيحة للبس الماسك هي أن يكون مغطي الأنف والفم بإستمرار وأن تكون الثنيات متجهة للأسف وأن تكون الحديدة الصلبة على عظمة الأنف حتى تحكم الغلق على عظمة الأنف).
وحاول أن تجلس بجانب شباك أو باب الغرفة بعيد قدر المستطاع عنه .
2- إبتعد عن الأماكن المزدحمة المغلقة وإذا أضطررت للتواجد بها فإلبس الماسك فورا وإبتعد عن أي شخص يبدو عليه المرض وحاول أن تفتح شباك أو باب يدخل الهواء والشمس للمكان أو حاول فتح مروحة وشفاط فى المكان .
3- لا تترك نفسك تعطش أو ريقك ينشف أبدا ولكن خلي دايما معاك زجاجة ماء وكلما أحسست بالعطش أو جفاف الحلق أو نشفان الريق إشرب فورا .
لأن جفاف الحلق يساعد الفيروس على الدخول .
4- غسيل اليدين بالماء والصابون عدة مرات متكررة فى اليوم وإذا لم تجد الماء والصابون فطهر يديك بمطهرات
5- عدم لمس الأنف أو الفم أو العينين الا بمنديل ورقي ثم رميه بعد ذلك فى باسكت الزبالة وغسل اليدين .
6- تطهر الأسطح بمطهر مثل ديتول أو سافلون الأسطح مثل المكتب والرخامة و الترابيزة و أكر الأبواب وأكر الحمامات وأكر الدولاب و أكر الثلاجات وسماعات التليفون وسماعات الإنتركوم
7-حاول أن ترفع مناعتك لأن كلما كانت مناعة الإنسان قوية كلما قلت فرصة إصابته بالمرض .
إرفع مناعتك بالآتي
1- نام كتير 8 ساعات فى اليوم وأكتر لو أمكن.
2- إتعرض للشمس المباشرة كتير على قد ماتقدر.
3- إشرب ينسون كوب الى 2 فى اليوم لأن الينسون مضاد للفيروسات.
4- تناول فيتامين سي c
الطبيعي الموجود فى الفاكهة وخصوصا ( البرتقال ,اليوستفندي ,الفراولة, الجوافة , الليمون).
5- عسل أبيض .
6- لبن رايب .
7- زبادي.
وإذا حدث لاقدر الله وأصبت أنت بالفيروس( الأعراض : حرارة +كحة+ عطس +رشح ) فلاتخاف لأن فيروس كورونا زيه زي أي فيروس جهاز تنفسي تاني ( مثل الإنفلونزا مثلا) تتراوح شدة المرض من بسيطة الى عنيفة حسب درجة مناعة المريض .وهو فيروس ممكن الشفاء منه عادي زي الأنفلونزا
فإذا لاقدر الله أصبت أنت فعليك بالآتي :
1- إعزل نفسك فورا فى غرفتك ويكون فيه شباك مفتوح باستمرار فى الغرفة حتى تختفي الأعراض بإذن الله وإذا دخل عليك أحد من أقاربك لازم يكون لابس ماسك وانت كمان لابس ماسك ويكون الشباك دايما مفتوح وانصحه الا يقترب منك ولكن يضع لك الأكل والشرب على باب الغرفة ثم ينصرف.
2- الكحة والعطس والرشح استخدم لها المناديل الورقية وبعدين إرميها فى باسكت الزبالة ويتم التخلص من باسكت الزبالة يوميا
3- إغسل إيديك بالماء والصابون كل شوية وطهرها بالكحول أو الديتول
4- إشرب الماء بكثرة ولاتترك ريقك ناشف.
5- إشرب كل نص ساعة كوب ينسون لأن الينسون مضاد للفيروسات .
6- إشرب كل ساعة شوربة فراخ أو شوربة خضار باليمون .
7- إشرب شاي سخن بالليمون.
8- لبن +عسل إسود+جنزبيل .
9- تناول كل مايرفع مناعتك (العسل الأبيض,الماء, اللبن اللرايب, الزبادي ,الليمون,الجوافة,اليوستفندي , البرتقال ,الفراولة)
10- إرتاح راحة تامة فى السرير لاتتحرك الا للذهاب للحمام.
11- حاول أن تتعرض للشمس المباشرة وقت كبير على قدر المستطاع .
12- لا تتناول المضادات الحيوية لأنها لا تقتل الفيروس ولكنها تضعف مناعتك .- البيت كله يفتح الشبابيك ليسمح بدخول الشمس والهواء .
13- مخداتك أنت فقط اللي تستعملها وكذلك الملاية والبطانية والفوط .
14- يفضل أن تستشير طبيبك فى الحال .ثم بعد ذلك تعزل نفسك
مع تمنيات اسرة المجله العافيه والصحه لكم جميعا
اى وان مصر
مرحبا بك اترك تعليقك فهذا يهمنا ويسعدنا واذا اعجبك موضوعاتنا ادعمنا بالمشاركة على وسائل التواصل الاجتماعى