بكره عندنا ثورة 11/11 ..دعوات من تحت اللحاف..حاسبوا ليغفلوكم..استفيقوا يرحمكم الله
مقال كتبه/ اسحاق يوسف فرج
 |
| بكره عندنا ثورة 11/11 ..دعوات من تحت اللحاف..حاسبوا ليغفلوكم..استفيقوا يرحمكم الله |
هييه عندنا صاورره ثوره ثوره ثوره فعلا لازم نقوم بثوره .
على مدار الايام الماضيه تداولت مواقع التواصل المنتميه لمنظمات مشبوهه دعوات محرضة للنزول للشارع لعمل ثوره والحقيقه انا لست مؤيدا لتلك الدعوات المغرضة والتى ورائها فوضى عارمه تجتاح البلاد من شرقها لغربها وكأن بتلك الدعوات البلهاء انها ببساطه تقول للشعب يلا نعمل ثوره فهيييه ها نعمل صاووره نعملها على ايه ولا ايه.
نعملها على نجاحات فى الخارج والداخل ولا نعملها على اصلاحات وبناء بنى تحتيه ما كان لها ان تبنى فى خمسين عاما وها هو الرجل وحينما اوصفه بالرجل فهذا قليل عليه بل هو الرجولة والشهامة ابن الجيش المصرى العظيم ابن البلد الشهم تحتار فى وصفه رجلا طيبا حازما قويا حنونا وكما قال الشاعر ذات يوم قويا ممسكا بالسوط فى كفه والحب يدمى مدمعه ..
هكذا هو الرجل المصرى الاصيل الرئيس عبد الفتاح السيسى والذى شرف بلادنا منذ توليه القيادة كربان حكيم يقود بلادنا وسؤالى الى دعاة الثوره على ايه عاوزين تثوروا ؟
وبعد الاسقاط المدوي لتلك الدعوات وبعد ان قامت اجهزة الامن والمخابر ات المصرية الصقور التى لا تنام بالقبض على الضابط المصرى الها رب شريف عثمان في دبي والذى كان فى زياره لاسرته فى الامارت (يا عين امه راح يشوف امه مارجعش).
منذ 2003 ليحصل على الجنسية الامريكية وهو الذى وراء تلك الدعوات وقد تم القبض عليه فى الامارات العربية ويتم التحقيق معه ولذلك هرولت نا نسى بلو سى نائبة الرئيس الامر يكى الى مصر وهى تحاول استمالة الرئيس السيسى فى حوار وهى متعلقة باحدى ذراعيه (لكن على مين) اجرى العبى يا بابا مع الاسد ههههه.
وها هو الاسد المصرى الرئيس السيسى يرفض طلبها وقفاها يقمر عيش .
مساومات من دول عظمى مع مصر للافراج عن مجرمين بر يطا نيا تساوم وامر يكا تساوم وهو على نغمه واحده اجرى العب يا بابا انت جيت غلط جي تلعب مع رئيس مخابرات سابق لدوله عظيمه جايين تلعبوا مع مين ؟
لذلك ندعوكم
ادعوكم ان تثوروا على خيانة طبعكم الخائن .
ادعوكم ان تثورا على انفسكم الضعيفة .
ادعوكم ان تثوروا على بطونكم الجائعة الى الخبز وهى ملائنة من موائد ذلك الوطن الذى تبغون له الشر وانتم آكلون شاربون من موائده وعلى رأى المثل القائل.
(بيعض الايد اللى اتمدتله).
بطاقة التموين فى جيبه بيصرف خبز يضعه على مائدته وتلك المائدة هى نفسها يحضر عليها زجاجات الملوتوف التى يحرق بها البلد التى تأوييه وتستره اى خسة هذه ؟
 |
| بكره عندنا ثورة 11/11 ..دعوات من تحت اللحاف..حاسبوا ليغفلوكم..استفيقوا يرحمكم الله |
ادعوكم ان تثوروا على افكاركم المسمومة وعقولكم الممسوخة والممسوحة بل والمغسولة بل المتسخه بافكار السواد والكره والعيون المطموسه والتى لا ترى من غربال
(واللى ما يشوفش من غربال يبقى اعمى) .
ادعوكم ان تثوروا على غشاوة اعينكم وكما وصف السيد المسيح الامة اليهودية ذات يوم لهم عيون ولا يبصرون ولهم أذان ولا يسمعون ..
ادعوكم لتثوروا على شقاوة افكاركم الدنسه تجاه وطنكم والذى بحق لا تستحقونه .
الم تمشون فى طرقات تلك البلاد ؟ لتبصروا بأم اعينكم كيف تبدلت البلاد .
الم تنظر أم اعينكم القضاء على العشوائيات .
الم تحصلون واغلبكم حصل على معاشات تكافل وكرامه ؟
الم تنظر أم اعينكم وتسمع اذانكم الفاسدة تقارير منظمات عالمية عن مصر وكيف ان مصر اصبح لها صوت مسموع فى كل انحاء العالم ؟.
والم تشاهدون كم الاصلاحات والمصانع والمستشفيات والمحاصيل الزراعية الم تسمعوا او تشاهدوا تقاريرا عن مليون ونص فدان وغيرها الكثير والكثير يعجز العقل عن استيعاب كم تلك الاصلاحات والانجازات لرجل لا ينام الليل يتعب ليريح الاخرين .
اعلم تماما اننى سأقابل بكم من الانتقادات اللذعه لتلك الكلمات والتى لم يكن من وراءها الا الله وحده فهو حقا من وراء القصد فهى كلمة حق لابد ان تقال فى حق بلادنا المحبوبه وليقبل من يقبل وليرفض من يرفض وهذا رأئيى ولابد من تسجيله .
عيب علينا بجد لما كل همنا يكون فى بطننا عيب علينا لما ابويا فى البيت بيعمل بيت يريحنى وبيوضب البيت اللى كان متساب من سنين طويله لحد ما بقى كوم تراب ولما يجى موعد الغدا والاقى السفره عليها اكل بسيط اقوم اثور واعمل 11/11.
بجد حاجه تحزن لما يكون الانسان بيبزل قصارى جهده ولظروف خارجه حقا عن ارادته البيضه قال بقيت ب 2.5ج وايه يعنى يا عم الطفس ما تملهاش قوى ليجيلك بواسير .
اسف على الاسلوب بس بجد حاجه تقرف وناس تقرف وافكارها تقرف هو بيتى حلو لما يكون مليان عزومات وياغمه ولما تحصله ازمه يبقى وحش وكخه ..
يا حبيبى ده بيتى على الحلوه والمره مش بقول ما فيش غلاء ولا باقول العيشه رغده بس ده بيتى ووطن بلا خبز خيز من خبز بلا وطن .
بيت واربع حيطان تحمينى وتسترنى وبيتى واولادى خير من خيام اللاجئين اللذين يتناولون طعامهم بمزلة بلا وطن بلا اسره يتناولونه ساقطا من طائرات المعونة فوق رؤوسهم.
هى تلك الرؤوس التى تحوى عقول عجول ثارت وخربت فى بلادها اسف جدا للتعبير ولكننى فى حالة ثوره (هههه) ثوره على عقول تفكر بدماغ عجول لا تستحق الاوطان حقا لا تستحقها .
ادعوكم بجد من كل قلبى ان تستفيقوا يرحمكم الله ..
استفيقوا من غفلتكم وحاسبوا ليغفلوكم حاسبوا على الوطن خلوا بالكم وعينكم فى وسط راسكم حاسبوا من ابن المبارك عنيكم على مصر وعنيكم على اولادكم عنيكم على بكره اللى ها يكون احسن بالناس الحلوه الطيبه اللى.
مش كل همها البيضه بقيت بكام بجد ناس بيض حقيقى افكار ممششه . اسف .
الحاله جيم فعلا بس مش لوحدنا بصوا حواليكم وانتوا تعرفوا بصوا على دول عظمى بتشتكى واحنا فى نعمه لا ينكرها الا الجاحد والناقم بلا سبب ..
من امتى كانت مصر ممكن ترفض طلب العم السامى البريطانى بأطلاق الخال عيلاء عبفتاح؟
بس هى ده مصر الآبيه مصر عرابى وزغلول وناصر والسادات والسيسى هما اللى بيعرفوا يقولوا لأ ومش بس كده وزير خارجيتنا المحترم اللى يطلع بيان يرفض وبقوه وحزم التدخل السافر فى شأن الدوله المصريه و القضاء المصرى النزيه ويطالبون بأطلاق براباس قال سجين رأى واخته اللى وقفت فى الشارع تعمل مؤتمر تندد قال بمناخ الحريه فى مصر ..
وهو يا ختى لولا فى مناخ حريه كنتى حضرتك وقفتى تقولى البوقيين دول فى الشارع فى الشارع ياختتتتتى مؤتمر قال صحفى فى شوارع شرم الشيخ بالذمه مش مكسوفه من نفسك وانتى بتعملى كده فى اللى المفروض تكون بلدك بس اقول ايه الخيانه طبع بجد.
استفيقوا يرحمكم الله حاسبوا ليغفلوكم وتضيع مصر وبعد الشر عليها من الضياع ومبارك شعبى مصر باركها الله عز وجل منذ فجر التاريخ .
وبكره 11/11.
ها يكون احلى يوم فى تاريخك يامصر يوم الكل هايجيب لب وسودانى ويقعد يتفرج على العظمه اللى بتحصل فى شرم الشيخ يوم يا يموت الاعداء كمدا وغيظا من عظمة ورقى هذا الشعب اللى فقس الحكايه وفهم اللبه والفوله ..
بكره احلى على المصريين ادعوكم لا تخرجوا حتى تخمدوا ثورنهم ولتهدأ مقاعدهم التى ..
 |
| بكره عندنا ثورة 11/11 ..دعوات من تحت اللحاف..حاسبوا ليغفلوكم..استفيقوا يرحمكم الله |
عفوا ..وصاوره صاوره صاوره .
ها نسهر النهارده قدام التليفزيون قدام قناة القاهره الاخباريه وموقع القاهره الاخباريه.
وها ننام براحتنا علشان بكره عندنا صاورره واوعوا تكونوا مستعكليين والنبى جاى وخلاوتك جاى خليكم فى الميادين وعم ايوب جاى وغلاوتكم جاى بعصايته عصاية التأديب اللى ما ربهوش ابوه وامه بكره يتربى فى الميادين.
ده لو كان فى حد اصلا فى الميادين فكما كتبت فى دعوات 11/11 /2016 انها دعوات من تحت اللحاف ..
هكذا اكرر انها دعوه من تحت اللحاف ايضا 11/11/2022 دعوه من تحت اللحاف.
واوعوا تكونوا مستحكللين وغلاوتك جاى ..مع الاعتذار للفنان الجميل محمد صبحى.
الاخراج الصحفى اسحاق يوسف
مرحبا بك اترك تعليقك فهذا يهمنا ويسعدنا واذا اعجبك موضوعاتنا ادعمنا بالمشاركة على وسائل التواصل الاجتماعى